Solucións legais web

Calquera empresa ou proxecto con páxina web ou negocios en Internet, desde a entrada en vigor da Lei de Servizos da Sociedade da Información e de Comercio Electrónico (LSSICE, Lei 34/2002 de 11 de xullo) deben cumprir unha serie de requisitos. Ademais, para o procesamento de datos de carácter persoal tamén debe cumprir coa lexislación en materia de Protección de Datos e no caso de tendas en liña coa lexislación en materia de consumo.

Ofrecémoste asesoramento ou verificar e adecuar os teus servizos á legalidade vixente e así evitar as cuantiosas consecuencias do seu incumprimento.

Realizamos auditorías e implementamos as medidas de seguridade técnicas e organizativas necesarias para garantir a seguridade dos datos que se obteñen na túa empresa por procedementos electrónicos e web.

Redactamos os documentos de seguridade conforme ás prescricións legais, así como as cláusulas legais para aceptación por parte dos usuarios que utilicen e cedan os datos na túa web e aplicacións.

A Lei de Servizos da Sociedade da Información e do Comercio Electrónico (LSSICE) establece as obrigacións, responsabilidades, infraccións e sancións daquelas persoas e/ou empresas que teñen unha páxina web ou que operan a través de Internet e medios electrónicos.

Para cumprir con estes requisitos legais, a túa páxina web ou aplicacións necesita dunha adecuación legal, a cal dependerá dos servizos ofrecidos. Nós estudamos o teu caso e encargámonos diso.

• Páxinas web de empresas, organizacións ou institucións, así como páxinas web de particulares que xeran ou poidan xerar ingresos.
• Páxinas web que permiten a compra / contratación dun produto ou servizo.
• Empresas consideradas Prestadores de Servizos de Intermediación (PSSI)

Na lexislación de Protección de Datos Persoais establecen unhas obrigacións relativas á recollida dos datos, consentimento, almacenaxe, conservación, uso, comunicación ou cesión de datos, acceso, rectificación, creación de ficheiros, medidas de seguridade técnicas e organizativas, etc.

A gran maioría de empresas, recollen información persoal e confidencial, a través dos seus sistemas informáticos, a cal debe ser tratada de acordo á lexislación vixente de aplicación.

• Adopción das medidas de seguridade relacionadas coa lexislación vixente e regulamentos en función do nivel de seguridade esixido.
• Mantemento da listaxe de ficheiros de datos persoais.
• Redacción do documento que recolle as medidas adoptadas.