/ Desenvolvemento web profesional
Programamos e desenvolvemos sitios e páxinas web para cubrir tódalas necesidades dos nosos clientes en función dos seus obxectivos. Aproveita todo o potencial de crear unha plataforma que sexa escalable e que te permita expandirte á vez que o teu proxecto.
Os nosos desenvolvementos permiten a integración plena cos sistemas da túa empresa ou institución, sendo un medio máis que te axuda a alcanzar os obxectivos empresariais.
Para conseguilo, utilizamos tecnoloxías de última xeración no desenvolvemento de páxinas web. Tódalas nosas páxinas web cumpren cos éstandares actuais establecidos e empregamos linguaxes de programación como HTML 5, CSS 3 ou Javascript para ofrecer sitios web dinámicos utilizando tecnoloxías como AJAX.
En COMUSYS creamos a túa páxina web, aplicacións baseadas na nube ou aplicacións estándar que funcionan sen conexión utilizando tecnoloxías web como as Progressive Web Apps, para que o teu negocio poida por fin beneficiarse das múltiples vantaxes de ter presenza en Internet e das tecnoloxías web.
Tódolos nosos desenvolvementos cumpren cos estándares aprobados polo World Wide Web Consortium (W3C) para a web. Comprobamos que os nosos desenvolvementos son visibles de forma optimizada aos principais navegadores web e dispositivos do mercado. Ofrecemos a posibilidade de realizar deseños e desenvolvementos utilizando tecnoloxías multidispositivo, implementando solucións responsive.
Desenvolvemos páxinas web profesionais exclusivas, realizadas á medida das necesidades da túa marca persoal, negocio ou empresa. Con máis de 10 anos de experiencia no desenvolvemento a medida, estudamos cada caso detidamente para ofrecervos webs que transmitan a túa identidade corporativa, sen descoidar os aspectos técnicos que axudan a un posicionamento óptimo, e unha usabilidade que sexa áxil e intuitiva.
Desenvolvemos webs con plantillas seleccionadas para os principais xestores de contidos (CMS) como Wordpress. Se queres dar o salto cara á dixitalización cun investimento axustado ou precisas ter presenza en Internet no menor tempo posible, os nosos deseños con plantillas son a mellor solución para ti. Tódalas plantillas presentan un aspecto profesional e orientadas ao usuario.
Se queres máis información sobre os nosos produtos ou servizos só tes que cubrir o formulario que aparece a continuación cos teus datos e unha descrición das túas necesidades ou dúbidas.
Para un orzamento a medida de marketing dixital e deseño web, podes solicitar directamente un orzamento a medida para o teu proxecto.